петок, 4. декември 2020. Вести денес: 126
home Економија

Димитриеска Кочоска: Не ни е потребно зголемување на акциза која ќе ја продлабочи сиромаштијата

Димитриеска Кочоска: Не ни е потребно зголемување на акциза која ќе ја продлабочи сиромаштијата

Поради тоа што Министерството за финансии е во процес на задолжување со средства од ММФ, Светска банка, издавање на еврообврзница сл., не пишувам често, со цел да не го попречувам на било каков начин овој процес, но тоа не значи дека се согласувам со се што владата носи како уредба, вели Гордана Димитриеска Кочоска, дополнителен заменик министер за финансии.

-Сите знаете дека од првиот ден откако сум дополнителен заменик министер за финансии, јас зборувам дека приватниот сектор е двигателот на цела економија, тој го полни Буџетот на РМ. Тоа понатаму значи дека во овие тешки моменти државата треба да најде начин максимално да му помогне на приватниот сектор. Го пропуштивме моментот за брза реакција и навремено обезбедување на пари, поради што месецот март воопшто не е ставен во мерките на владата. Ова е многу не фер кон оние кои беа принудени со мерки на влада да затворат уште во првата половина на март, а помош за нив нема. Да потсетам првата паника така се креираше, носите одлука за затворање на објекти ама не им нудите помош и алтернативи., напиша таа на својот Фејсбук профил.

Таа оценува дека покрај тоа што не е предвидено субвенционирање на месец март, останува и фактот дека фирмите со добивка на крајот на годината ќе треба да враќаат за добиената помош.

-Ова отвара нов проблем,  а тоа е дека дел од фирмите ќе направат се сметководствено да завршат со загуба. Следствено на тоа аконтациите на данокот на добивка во 2021 година ќе бидат помали, односно наместо денес да ставиме рез на проблемот ние ќе го продлабочуваме. Да не заборавиме меѓу нас има секакви, од одговорни и чесни до неодговорни и нечесни. Воедно да разјасниме, ние сега се задолжуваме кај меѓународните финансиски институции, не добиваме финансиска поддршка (последниве два дена слушам финансиска поддршка). Тоа значи дека парите кои денес ни ги даваат ќе треба да ги вратиме сите заедно. Токму поради ова, не ни е потребно зголемување на акциза која ќе ја продлабочи сиромаштијата, ни требаат брзи пари, максимална поодршка на приватниот сектор и кратење на непродуктивни трошоци. Не ни требаа сега трошоци за СЈО, трошоци за невладини организации и сл. Да почнеме да ги гледаме работите на подолг рок. Кризата ќе помине ама од сиромаштија потешко се излегува. Убедена сум дека со домаќинско работење, одговорно и чесно може да има и помош за бизнисот и да не се наруши макроекономската стабилност, истакна таа.

Коронавирус