петок, 30. октомври 2020. Вести денес: 125
home Економија

Арсовски: СДСМ ја укинува т.н. „банкарска тајна” која е основен принцип на приватност на секој еден граѓанин

Арсовски: СДСМ ја укинува т.н. „банкарска тајна” која е основен принцип на приватност на секој еден граѓанин

СДСМ со најновиот закон за УЈП удира по приватноста на граѓаните. СДСМ ќе може да има увид во секоја банкарска сметка на секој еден граѓанин. СДСМ ја укинува т.н „банкарската тајна” која е основен принцип на приватност на секој еден граѓанин. Секогаш кога и да посака СДСМ или било кој од СДСМ ќе можат да му влезат на секој еден жител од Република Македонија во неговата домашна приватност, во неговите сметки и во неговиот паричник, изјави на денешната прес-конференција портпаролт на ВМРО-ДПМНЕ Димче Арсовски.

Арсовски запраша дали со удирањето по приватноста се сака да се добијат информации кои што подоцна ќе се искористат за политички малверзации и рекет врз одредени луѓе и фирми?

– Сите овие податоци кои до сега беа „банкарска тајна” ќе може да ги гледа било кој и да стигнат до било кого. Со ова укинување на приватноста на сметките на граѓаните, тие стануваат потенцијална мета на разни уцени, закани и останати криминогени дејанија на одредени структури, кои после овој закон многу лесно ќе може да стигнат до податоците за тоа кое семејство колку пари има и поседува. Зад таканаречената транспарентност, граѓаните стануваат предмет на контрола од страна на СДСМ. Член 25 Устав на Република Македонија вели: „На секој граѓанин му се гарантира почитување и заштита на приватноста на неговиот личен и семеен живот, на достоинството и угледот.“ Со овој закон на СДСМ им се укинува приватноста на граѓаните во делот на банкарските и личните сметки и до нив ќе може да дојде буквално било кој, додаде Арсовски.

Дополнително, посочи тој, со ова СДСМ и Министерството за финансии ќе ги принудат граѓаните на свој начин да си ја зачуваат приватноста на своите сметки и ќе стимулираат даночна евазија.  Со овој закон ќе се стимулира сивата економија како во деведесеттите години и од држава на даночни обврзници ќе станеме држава во која во која царува сивата економија благодарение на СДСМ. Со овој закон наместо зголемување на приливот на пари во Република Македонија, ќе има одлив на парите. За крај, дали СДСМ со овој закон сака да ги стави под контрола граѓаните на Република Македонија на најперфиден начин така што ќе имаат увид во сечија сметка? Ова е начинот на кој што СДСМ ја практикува слободата и приватноста. Сега граѓаните имаат можност да видат што значи РЕЖИМ. На крајот, Република Македонија и граѓаните ќе победат, а приватноста и понатака ќе биде нивно основно загарантирано право, посочи на прес-конференцијата Димче Арсовски од ВМРО-ДПМНЕ.

Коронавирус