понеделник, 25. мај 2020. Вести денес: 62
Актуелна тема

Од минута во минута за ситуацијата со коронавирусот во Македонија и светот

home Живот и стил

Родители, внимавајте: Ова се најопасните симптоми кај новороденчињата, мора да реагирате

Родители, внимавајте: Ова се најопасните симптоми кај новороденчињата, мора да реагирате

Ова се најопасните симптоми кај новороденчињата, мора да реагирате веднаш.

Модри усни

Ако усните на вашето бебе станат модри или јазикот почнува да помодрува тоа е знак дека детето нема доволно кислород. Оваа состојба е позната како цијаноза и бара веднаш да повикате брза помош.

Отежнато дишење

Сите бебиња понекогаш тешко дишат. Но ако вашето бебе има отежнато дишење постојано и побрзо од вообичаеното тоа може да укаже на респираторен дистрес. Веднаш јавете се на педијатар и ако е ноќ однесете го вашето бебе на дежурна клиника.

Температура над 38.5 степени целзиусови

Ако вашето бебе е помало од два месеца, и ректално сте  ја измериле температурата и има над 38.5 степени целзиусови веднаш консултирајте се со педијатар. Лекарите објаснуваат дека високата температура кај новороденчињата е ретка и може да има последици на различни бактериски инфекции, па дури и менгитис.

Дехидратација

Ако бебето е старо повеќе од 6 дена, а не ги полни пелените 6 пати на ден значи дека е дехидрирано. Други знаци на сериозно дехидрирање може да се сува уста, пропаднати очи и летаргија. Веднаш превземете нешто и однесете го детето на лекар.

Бебето повраќа зелено и кафеаво

Малите бебиња често повраќаат. Можат да повратат и ако се накашлаат, плачат, се имаат прејадено или ако имале грчеви. Меѓутоа ако бебето повратило зелено, значи дека ситуацијата е сериозна. Зеленото повраќање може да  укаже дека цревата се блокирани и дека е потребна итна интервенција, а повраќањето во боја на кафе често е симптом на внатрешно крварење. Исто така ако бебето падне на глава  и повраќа треба итно да го одведете на лекар.

Коронавирус