Баба Ванѓа која умрела во 1996 година во 85 година од животот, има предвидување за бројни наредни векови, се до 51, кога, според нејзините визии ќе се случи крајот на светот.

Како што пишува Бирминген Мејл, таа предвидела дека Владимир Путин и Русија ќе завладеат со светот.

Таа во 1979 година разговарала со писателот Владимир Сидоров. Во таа прилика таа рекла: Сите ќе се стопат, како лед, а само едно нешто ќе остане недопрено- славата на Владимир и славата на Русија. Премногу жртви ќе има. Никој не може да ја запре Русија.

Понатаму таа рекла дека се ќе биде исчистено од патот на Русија.

-Таа (Русија) ќе стане господар на светот- рекла слепата пророчица.

Покрај ова чудно превидување, баба Ванѓа наводно предвидела дека ќе дојде и до Трета светска војна и големо уништување поради употребата на нуклеарното оружје.

Инаку, Баба Ванѓа пред својата смрт во 1996 година предвидела дека на Венера ќе биде пронајден нов извор на енергија од луѓето ќе имаат голема корист.

Таа своите предвидувања ги има запишано до 51 век за кога сметала дека ќе биде и крај на светот.

Баба Ванѓа предвидела „Златно време“ од 2025 до 2028 година токму поради „новиот облик на енергија“.

Од 2033 до 2045 година ќе се отопат половите, а нивото на морињата ќе се подигне.

Меѓу 2072 и 2086 ќе се врати комунизмот.

До крајот на светот, кој Ванѓа го предвидува за 5079 година, човековата раса ќе успее да сфати како функционира патувањето низ времето, цивилизацијата целосно ќе се уништи и луѓето ќе живеат како ѕверови додека не настане нова религија.