вторник, 27. октомври 2020. Вести денес: 146
home Живот и стил

Пред да одлучите да имате дете, со партнерот разговарајте на овие теми!

Пред да одлучите да имате дете, со партнерот разговарајте на овие теми!

„Наместо да се надеваме на најдоброто и да се водиме од ставот дека сето тоа ќе го сфатиме во движење, би било одлично да знаеме јасно што да очекуваме“, рече психологот Џени Таиц.

Затоа порталот Инсајдер разговараше со експерти кои издвоија некои од прашањата што треба да му ги поставите на вашиот партнер пред да одлучите да имате заедничко дете.

Дали сакаш да имаш деца и зошто?

Можеби ви изгледа очигледно и можеби мислите дека го знаете одговорот, но клучот е ова прашање директно да му го поставите на партнерот, рече Рахаел Бенџамин, брачен терапевт кој се фокусира на прашања поврзани со мајчинството.

Во терапија, објасни таа, ова прашање честопати им дава важна перспектива на паровите, како на пример дали имале добра врска со сопствените родители или дали имале проблематични врски што ги терале да се чувствуваат вознемирени и неподготвени за децата.

Покрај тоа, важно е да зборувате за тоа колку деца би сакале да имате, како сакате да ги воспитувате и какви одговорности планирате да преземете.

Како изгледаше твоето детство?

Зборувањето за тешки настани од детството е клучно бидејќи им помага на луѓето да се запознаат едни со други на ниво што можеби сè уште не го истражувале. Исто така, нуди разбирање за тоа што секое од овие лица би можело да придонесе на родителството.

Кои се твоите најголеми стравови во врска со улогата на родител?

Покрај вообичаените стравови, како што се детски болести или финансиски проблеми, понекогаш луѓето чувствуваат и други стравови за кои е важно да се зборува. На пример, по искрен разговор за стравовите, двојка можеби ќе сака да зборува за пренатално тестирање или да ангажира дула за да им помогне за време на породувањето.

Што мислиш за пренаталното тестирање или абортусот на дете на кое му биле дијагностицирани медицински состојби кои го загрозуваат животот на мајката или детето?

Ова се многу тешки прашања за кои многу луѓе не се согласуваат. Затоа е важно навремено да зборуваме за нив.

Што мислиш за вештачко оплодување и посвојување?

Време е да откриете дали вашиот партнер е подготвен да помине низ физички, емоционални и финансиски предизвици поврзани со ИВФ или дали тој / таа би бил подготвен да тргне по патот на посвојување.

Како би изгледале нашите финансии откако ќе пристигне бебето?

Ова не е лесно да се предвиди, но експертите препорачуваат барем да разговарате за тоа како да заштедите пари и какви видови на трошоци се приоритет за секој партнер.

Каква улога би имала религијата во воспитувањето на нашето дете?

Ако вашиот партнер почитува друга религија, прашајте го дали би размислил да воспитува дете со двете практики, само една, или ниту една. Исто така, треба да го прашате вашиот партнер за специфични процедури и ограничувања, советува Инсајдер. На пример, разговарајте за крштевањето или обрежувањето, ако тоа е дел од вашата вера.

Коронавирус