вторник, 29. септември 2020. Вести денес: 162
home Живот и стил

Овие познати милијардери годинава летуваат во Хрватска (ФОТО)

Овие познати милијардери годинава летуваат во Хрватска (ФОТО)

Рускиот милијардер Роман Абрамович се врати во Хрватска. Тој го резервирал самиот крај на јули за своето пристигнување на Јадранско Море, на својата јахта „Еклипс“, која има 15 соби.

Секоја од собите има сопствена луксузно опремена бања, а јахтата поседува и сауна и велнес. Дури 70 членови на екипажот се грижат за безбедноста и уживањето на бизнисменот и на неговите гости.

Јахтата има и антиракетен систем, како и прозорци отпорни на куршуми и подморница што може да нурка до 45 метри.

Абрамович својот одмор го помина уживајќи на јахтата, а еден ден го посети и Стари град, каде што уживаше во прошетката и во вечерата во рестораните.

И пензионираниот НБА-кошаркар Меџик Џонсон годинава ја посети хрватската ривиера, конкретно прекрасниот Дубровник.

Тој плови со семејството на изнајмената мега-јахта „Аквила“, долга 85,6 метри, вредна околу 150 милиони американски долари. Покрај тоа, Џонсон ги посети водопадите Крка, Сплит, Вис и Корчула, што особено го воодушеви.

Се вративме од Хрватска и на сите им ја препорачуваме од срце! Храната беше фантастична и земјата е прекрасна“, напиша легендарниот кошаркар на Твитер кратко по напуштањето на Хрватска, а објави и фотографија од Корчула.

Вторпат на Јадранско Море се врати актерот Овен Вилсон. Ѕвездата на „Зулендер“, „Марли и јас“, „Ученици“ или „Ловци на деверуши“, Дубровник го посети и минатата година. Тогаш го снимаше филмот „Блаженство“ во Хрватска, па по престојот во Сплит продолжи понатаму на југ затоа што имаше неколку дена снимање на Лопуд, а потоа остана во Дубровник, кој го маѓепса толку многу што се врати ова лето.

Ибица, Миконос, Мајорка и Портофино годинава беа заменети со популарната пејачка Бијонсе. Таа и Џеј Зи, кои беа во Хрватска во 2009 година, одлучија оваа година да го прослават 39-от роденден на поп-дивата на Јадранот.

Со зголемено обезбедување, но и дадилки, тие крастосуваа со луксузната јахта „Лана“ низ водите на Дубровник, а потоа се упатија кон Корнати и островот Галешњак, каде што Бијонсе го прослави својот роденден.

 

View this post on Instagram

 

We are BEYond excited to share this epic memory. 💛 #vrnikartsclub #beyonce #jayz #vrnik #visitkorcula #croatia #islandlife #beyday

A post shared by Vrnik Arts Club (@vrnik.arts.club) on

Оскаровецот Реми Малек веќе три недели плива во водите на Хрватска, а неговото пристигнување на Брач ​​за малку ќе останеше незабележано.
Актерот ужива со девојката Луси Бојтон и со пријателите во убавините на островот исто како и секој друг турист. На Малек одамна му се допаднала Хрватска, па затоа одлучил годинава три недели да летува токму таму. Како што откри во интервјуто што го даде за Вечерњи лист пред една година, тој веќе престојувал во Загреб, го посетил Сплит за кратко време и многу добро ја знае историјата на бивша Југославија.

Коронавирус