сабота, 31. јули 2021. Вести денес: 106
home Живот и стил

ОВА ЛЕКУВА СÈ НА КОЖАТА: Како да направите маст од чувар куќа

ОВА ЛЕКУВА СÈ НА КОЖАТА: Како да направите маст од чувар куќа

Маста од чувар куќа е вистински природен мевлем за кожа кој нема што не лекува. За овој рецепт ќе ви биде потребна свежа чувар куќа и свинска маст испрана во девет води. Овој крем се покажал како многу поефикасен од многу купечки креми чија цена е многу висока, пишува НМД.мк.

Постапката за приготвување е едноставна, па затоа не одложувајте и не чекајте да помине времето, туку пригответе си го овој природен мевлем штом ја набавите билката (доколку ја немате дома, а треба секој да ја има).

Се прави многу брзо и лесно, а искуствата на сите што ја испробале се повеќе од позитивни, бидејќи е повеќенаменска и може да се користи за третирање на секакви проблеми, особено поврзани со кожата.

Оваа домашна маст од чувар куќа најдобро се покажала за третирање на егзема, но и на разни други проблеми поврзани со кожата. Овој нежен крем од чувар куќа и маст усшешно ги отстранува и видливите брчки околу очите, акните, митесерите, дамките од лице, пегите…

Мевлемот од чувар куќа и свинска маст се користи дури и за отстранување на брада-вици и чиреви на кожата. Го ублажуваат јадежот и чешањето после кас-нување од комарец и други инсекти.

Исто така, помага и во побрзо оздравување на ситни ра-нички на кожата. Овој крем многу добро се покажал и кај изго-реници од сонце. Ја смирува кожата веднаш, после првото мачкање, а со следното веќе исчезнува црвенилото.

Свинската маст и чувар куќата се проверена комбинација која многу се цени во природната медицина и фитотерапијата. Овој мевлем е одличен природен лек за калуси, испукани пети и тврди табани и тврда кожа на лактите, пишува НМД.мк

Доволно е само еднаш да да се премачкате со мевлемот од чувар куќа во тенок слој и кожата веднаш ќе забележите како станува помека и поеластична, па вашите стапала нема да бидат веќе груби како претходно.

Со оваа маст можете да ги мачкате и надворешните хемороиди, па дури и херпес на уста, бидејќи нема никакво штетно дејство, ниту се јавуваат нуспојави.

Листот од чувар куќа е најдобро да се бере сега, на почетокот од летото, бидејќи тогап содржи најмногу лековит сок. На многу начини може да се употреби чуваркуќата како лек, а нејзините благодети за здравјето се неверојатни.

Латинскиот назив за чувар куќата е Sempervivum tectorum („секогаш жива“), a Англичаните ја нарекуваат Houseleek, а некои ја нарекуваат и „домашно алое вера“ иако нема многу допирно точки со споменатата билка.

Може да опстане дури и во невозможни услови, а доколку се одгледува во саксии многу убаво буи и расте во сочна билка. Не сака многу вода, но потребна и е сонцето, односно многу сончева светлина.

Во фитотерапијата се користи најмногу сокот од чувар куќа за кој се смета дека нема што не лекува: од воспаление на увото до б олки во злобовите и артритис. Најпознат е секако лекот приготвен со мед кој се користи за лекување на цисти и миоми.

РЕЦЕПТ – Потребни состојки: 200 г домашна свинска маст испрана во девет води, една полна рака свежо набрани листови од чувар куќа (50 г), најдобро во периодот од почетокот на летото, но може и во било кој друг период од пролет до доцна есен.

Постапка: свинската маст ставете ја во еден подлабок сад, па потоа додајте околу еден филџан ладна вода. Добро измешајте ја маста со лажица или миксер, па истурете ја водата. Постапката повтрете ја вкупно девет пати.

На крај ќе забележите дека маста станала неверојатно снежа бела и нежна како крем. На крајот маста процедете ја од сувишната вода. Потоа наберете ги листовите чувар куќа и измерете ги. Најидеален однос помеѓу маста и билката е 4:1. Во овој случај, на 200 г свинска маст се додаваат 50 г чувар куќа.

Измијте ги и ставете го листовите во сечко или блендер (или рачно исечкајте ги листовите колку што можете поситно). Маста ставете ја во едно тенџере и додајте ја чувар куќата.

Ставете на оган и загревајте на тивок оган. Не дозволувајте маста да зоврие и да почне да пржи, туку само колку да се растопи и да се поврзе со чувар куќата, за што се потребни околу пет минути.

Потоа маста процедете ја низ цедалка. Она што ќе ви остане во цедалката не мора да го фрлите. Остатокот од чувар куќа складирајте го во густа газа и користете го како облога за б олен зглоб.

Кога маста во тегличката ќе се олади, затворете ја и чувајте ја во фрижидер. Оставете да преноќи најмалку 12 часа. Следниот ден повторно претурете ја во тенџере и загревајте ја уште еднаш на тивок оган додека да се растопи и да стане течна.

Повторно процедете низ цедалка или газа, а маста складирајте ја стаклената тегличка која се чува во фрижидер. Нема временско ограничување за тоа колку долго можете да го користите овој мевлем од чувар куќа и свинска маст.

Коронавирус