вторник, 7. февруари 2023. Вести денес: 65
АКТУЕЛНО

Расте бројот на загинати во Турција и Сирија, спасувачите во трка со времето

home Живот и стил

Откриена причината за најчестиот симптом на коронавирусот

Откриена причината за најчестиот симптом на коронавирусот

Губењето на чувството за мирис претставува еден од најчестите и најраните симптоми на коронавирусот, а група американски научници тврди дека ја пронашла причината за оваа појава.

Според Sky News, утврдено е дека сензорните неврони кои го детектираат чувството за мирис и го пренесуваат на мозокот, сепак не се меѓу клетките за чувство за мирис кои ги погодува коронавирусот.

Всушност, вирусот ги напаѓа клетките кои обезбедуваат метаболичка и структурна поддршка на тие неврони, како и одредени матични клетки и клетки на крвните садови, велат научниците од Медицинскиот факултет на Универзитетот Харвард, кои исто така наведуваат дека губењето на чувството за мирис во повеќето случаи не е трајно.