петок, 22. ноември 2019. Вести денес: 156
home Живот и стил

Мистерија: Во ова село цели 10 години се раѓаат само женски бебиња, за парот кој ќе добие машко бебе следува награда

Мистерија: Во ова село цели 10 години се раѓаат само женски бебиња, за парот кој ќе добие машко бебе следува награда

Речиси 10 години, само женски бебиња се раѓаат во селото Мијеске Одрзанске во Полска.

Само 300 луѓе живеат во овој мал град кој се наоѓа на југот на Полска, во близина на границата со Чешката Република. Во изминатата деценија, родени се 12 бебиња, ниту едно момче.

Необичен случај ги заинтригира медиумите овој месец, а овој феномен го пренесуваат и познати меѓународни медиуми.

Претседателот на локалната заедница, Рајмунд Фриско, кој е татко на две ќерки, понуди парична награда на првиот брачен пар кој ќе станат родители на момче.

-Имаше толку многу медиуми што пишуваа за нас што дури размислував да ја именувам улица по името на првото момче кое ќе се роди следно. Дефинитивно тоа би било убав подарок. Ќе засадиме даб и ќе го именуваме по него, изјавил Фриско за британскиот Телеграф.

Зошто се родени само девојчиња во ова село?

Полот на бебето зависи од тоа дали спермата на нивниот татко носи хромозом X или Y.

Х-хромозомот е комбиниран со истиот мајчински хромозом, во тој случај се произведува женско дете (XX). Од друга страна, ако Y хромозомот на таткото е комбиниран со Х хромозомот на мајката, се создава момче (XY). Ако мажот има ист број на Х и Y хромозоми, веројатноста е 50:50 дека бебето ќе биде момче или девојче.

Таквиот случај ги заинтригирал и научниците кои покажале интерес за селото, но досега не е направено конкретно истражување за генетиката на популацијата.

Сепак, можно е ова да биде само случајност, како што смета Крег Андерсон, професор по статистика на Универзитетот во Глазгов.

-Под претпоставка дека има приближно 50:50 шанса парови да имаат момче или девојче, тој проценува дека веројатноста да имаат 12 последователни девојчиња во ова село е 1/4096. Ова е теоретски многу мала шанса, но во пракса секоја последователна секвенца на момчиња или девојчиња е подеднакво веројатна, рече професорот.

-Значи, веројатноста дека ќе се родат 12 последователни девојчиња во едно полско село е 1/4096, но исти такви се и шансите дека кај 12-те новороденчиња кои ќе се родат, ќе има шест девојчиња и шест момчиња, по редослед: „момче-девојче-момче „девојче“, додава тој.

Андерсон заклучува дека човечкиот мозок е всушност лош во пресметувањето на идејата за случајност и веројатноста за парадокс. Ако забележиме каква било случајност, забележува Андерсон, имаме силна тенденција да откриеме „како и зошто“, иако во некои ситуации нема одговор.