сабота, 5. декември 2020. Вести денес: 79
home Живот и стил

Машката брада природно ги привлекува жените, но има и причини за одбивност

Машката брада природно ги привлекува жените, но има и причини за одбивност

Со брада или без? Какви жени навистина сакаат мажите? Неколку истражувања на оваа тема дадоа ист одговор, исто како и една најнова студија која откри и еден необичен детаљ.

Кога станува збор за привлечноста, сѐ зависи од личните афинитети, но и статистиката има нешто да каже по ова прашање.

Новата студија се занимаваше со прашањето дали на жените им се попривлечни мажи со брада или без брада, па дојде и до неочекувани сознанија.

Жените природно ги првивлекуваат „најмажествените“ мажи, а мажите „најженствените“ жени, а причината за тоа се крие во потсвесната желба за што е можно подобар репродуктивен и генетски материјал.

Кај мажите, за мажественоста придонесуваат висината, колку се мускулести и дали имаат брада.

Студија од 2013 година се занимаваше со прашањето околу машката брада и привлечноста кај жените: подобро поминаа оние мажи кои имале брада. Најпривлечни на жените им биле мажи со многу брада, додека оние со средувана брада или кои редовно се бричеле им биле помалку атрактивни на жените.

И во новата студија мажите со помажествено лице и со брада поминале подобро од оние со нежни црти и избричено лице. Резултатите биле исти и во групите со испитанички кои барале кратка врска и кај оние кои барале нешто посериозно.

Се покажало дека широките лица, изразените веѓи и густата брада најмногу ги привлекуваат жените.

Интересниот факт е дека жените кои се плашат од крлежи, вошки, болви и зарази ги сметаат брадите за непривлечни. Студијата покажа дека кај жените кои се гадат од паразити, брадата е „црвен аларм“ и мажите кои носат брада им се автоматски непривлечни.

Ова има смисла од еволутивен аспект. Се смета дека луѓето еволуирале во суштества кои имаат помалку влакна на телото делумно поради тоа што така се намалува ризикот од носење паразити кои пренесуваат болести.

извор: kajgana.com

Коронавирус