четврток, 9. декември 2021. Вести денес: 82
home Живот и стил

Денеска е Преподобен Ефтимиј Нови

Денеска е Преподобен Ефтимиј Нови

Роден е во 824 година во Анкира. Откако отслужил војска, се оженил и имал една ќерка, Анастасија.

Подоцна се замонашил и долго време се подвизувал во Олимпските манастири, а потоа на Света Гора. Потоа едно време живеел како столпник во близината на Солун.

Столпниците се посебен вид подвижници, кои обично избираат некоја возвишена карпа за да живеат таму, шибани од ветрот и дождот, поминувајќи го целото време во пост и непрекината молитва на умот и срцето, зашто единствено со помошта на Божјата благодат може да се издржи таквиот подвиг.

Овој преподобен, т.е. најсличен на Бога во љубовта и смиреноста, се успокои на еден остров близу Света Гора. Неговите чудотворни мошти почиваат во Солун.

Коронавирус