четврток, 27. февруари 2020. Вести денес: 56
Актуелна тема

Од минута во минута за ситуацијата со коронавирусот во Македонија и светот

home Живот и стил

Чувајте ги работите кои ви носат насмевка на лицето и радост во срцето!

Чувајте ги работите кои ви носат насмевка на лицето и радост во срцето!
Close up portrait of beauty, cute girl with red air balloons laughing over pink background, beautiful Happy Young woman on birthday holiday party, joyful model having fun, playing and celebrating with balloon

Се споредувате со другите? Со кого и зошто? Кое е вашето мерило за тоа што е океј, а што не? И на крај, што ви носи тоа? Од каде произлегуваа таа потреба за рангирање? И како навистина знаеме дали на некој му е подобро или полошо од нас?

А да не зборуваме за другата страна и верувањето дека треба да се стремиме кон просечноста. Зошто? Кој ги поставил правилата? И што воопшто е нормално? Она што најчесто се гледа и среќава? Па и не би рекла.

Ако тоа беше вистина, сите ќе се родевме идентични и така и ќе живеевме. Не би било создадени вакви, сосема различни, секој посебен на свој начин, човек сам за себе. Па сите имаме и различни отисоци на прстите! Зарем тоа не е доказ дека и природата сакала да ни каже дека сите сме поинакви, оригинални самите по и за себе? Дека не постојат двајца исти луѓе на светов?

Мислам дека има причина поради која сме родени уникатни. И дека тоа споредување со другите нѐ оттуѓува од нашата сопствена душа. Од нашето сопствено ЈАС. Затоа што подобро е да бидеш оригинал онаков каков што си роден, отколку добра копија. Во тоа нема среќа, ниту некакво душевно исполнување. Да, сите живееме во некакви средини и заедници и се трудиме да се вклопиме, тоа е сосема нормално. Но, не смееме да заборавиме дека букетот е составен од многу цвеќиња, секое е посебно на свој начин. Затоа, бидете најдобри што можете. За себе и поради себе. Само така ќе придонесете букетот да биде уште поубав.

Блеснете во сопствениот сјај, негувајте и чувајте ги работите кои ви носат насмевка на лицето и радост во срцето. Тогаш воопшто нема да имате потреба да се споредувате. Нема да се чувствувате лошо само затоа што мислите дека некој е подобар од вас, затоа што нема ни да обрнувате внимание на тоа. Нема да имате време да размислувате на тој начин.

А знаете зошто? Затоа што ќе бидете задоволни со себе и својот живот, ќе бидете пресреќни затоа што создавате сопствени искуства и ќе бидете вистински исполнети!

И единствен мотив во животот ќе ви биде – утре да бидете подобри од денес.

Но, не од другите, туку од самите себе!