Една нова студија покажа дека секојдневното одење може да го намали ризикот од хронична болка во долниот дел на грбот, што може да биде значително олеснување за луѓето кои го имаат овој проблем.
Научниците од Норвешкиот универзитет за наука и технологија анализирале податоци за повеќе од 11.000 луѓе постари од 20 години кои немале историја на хронична болка во долниот дел на грбот.
Секој од нив една недела носел тракер за активност, кој снимал колку долго и колку брзо одат. Истражувачите потоа ги следеле до четири години за да утврдат кој „развил“ болки во долниот дел на грбот.
„Колку повеќе чекори преземаа учесниците, толку поретко доживуваа болки во грбот“, напишаа тие. Оние кои пешачеле помеѓу 78 и 100 минути дневно го намалиле ризикот од овој здравствен проблем за 13 проценти.
Луѓето кои пешачеле повеќе од 100 минути дневно го намалиле ризикот за дури 23 проценти. Исто така, покажа дека учесниците кои оделе побрзо имале 15 до 18 проценти помал ризик во споредба со оние кои оделе побавно.
Сепак, вкупното време што го поминаа во одење направи голема разлика. Најмали шанси да развијат болки во долниот дел на грбот имале луѓето кои повеќе оделе и го зголемувале темпото.