понеделник, 16. септември 2019. Вести денес: 96
home Занимливости

Совети како да го заштитите бебето од високите температури

Совети како да го заштитите бебето од високите температури

Патувањето, одењето на плажа или на игралиште ги загрижува мајките со мали деца бидејќи секогаш се прашуваат дали на бебињата им е претопло за да бидат надвор. Американската академија на педијатари има неколку совети како да го заштитите детето додека престојува надвор.

Сите деца можат да си играат надвор додека времето не претставува значаен ризик по здравјето, а во овој случај станува збор за температура пониска од 32 степени. Доколку температурата е повисока, бебињата и малите деца не треба да бидат надвор подолго време.

Се советува избегнување престој надвор од 10 до 16 часот, кога сонцето е најсилно. Ова  е важно за бебињата кои имаат помала можност за потење. Доколку сте надвор бидете во сенка и разладувајте го бебето, избегнувајте излегување на температури повисоки од 32 степена.

Бебето постепено навикнувајте го на сонце и топлина. Почнете по неколку минути па зголемувајте го времето што го минувате надвор со паузи на секои 15 минути или половина час. Доколку и понатаму не сте сигурни дали на детето му е претопло, водете се според вас, ако вие се потите и се чувствувате непријатно, голема е веројатноста и бебето да се чувствува така.

Ако користите седиште во автомобил или количка обезбедете дополнителна заштита од сонце на чувствителната кожа. Избегнувајте ставање пелена преку количката бидејќи тоа ја зголемува температурата.

Не го облекувајте бебето во слоеви, важно е да носи лесна, проѕирна и облека со светли бои. Бебешкото боди е идеално ако детето не е изложено на директна светлина, лицето и вратот заштитете ги, а на главата ставете капче.

Ако не можете да го избегнете сонцето директно, на децата помлади од 6 месеци облечете им лесни долги панталони и маичка со светли бои. Децата постари од 6 месеци може да ги облечете со кратки панталони и маичка со кратки ракави, но водете сметка облеката да биде од чист памук.

Трудете се облеката да не биде проѕирна за да го спречите пробивањето на УВ зраците. Кога станува збор за крема за сончање, користете ги оние со фактор од 30 до 50 и не заборавајте да ги намачкате носот, образите и ушите. Користете производи без хемикалии кои содржат цинков оксид и титанов диоксид, овие минерални состојки остануваат на површината на кожата наместо кожата да ги впие. Кремата нанесете ја 30 минути пред да излезете надвор.

Како да препознаете дали на бебето не му годат високите температури?

Прво што ќе забележите е дека бебето е врело на допир, (потопло од вообичаено), ако е екстремно жедно, се однесува изнемоштено или уморно и покажува недостаток на енергија. Битно е да се нагласи дека ова се однесува на ситуации кои не се вообичаени како кога бебето е поспано или слично. Ако мислите дека бебето е „прегреано“ веднаш тргнете го од сонце и однесете го во постудена просторија. Со сунѓер за капење кој ќе го натопите во студена вода минете преку телото и дајте му малку вода или млеко, ако е помало бебе. Ако симптомите се влошат однесете го детето на педијатар.

Внесот на течности зголемете го ако бебето мокри помалку од шест пати дневно, има сува уста, нема солзи кога плаче и нема енергија. Ако овие симптоми се влошат, однесете го на лекар.

Многу е важно никогаш да не го оставате само во автомобили, па макар и за неколку минути со вклучена клима. Температурата кај децата се зголемува пет пати побрзо отколку кај возрасните.