среда, 8. јули 2020. Вести денес: 1
МЕГА БОМБА

Нова аудио бомба: Се гледам со Вице, дадоа зелено светло да му се зaпaли колата, Трајче Заев даде црвен картон да не работи ништо

home Занимливости

Се разгледува контраверзно прашање за уривање на статуата на Баранов во Аљаска

Се разгледува контраверзно прашање за уривање на статуата на Баранов во Аљаска

Властите на американскиот град Ситка, сојузна држава Аљаска, ќе одлучуваат за судбината на статуата на основачот на градот Александар Баранов, во јули или во август, изјави синоќа градоначалникот Гери Пакстон.

Група локални активисти, пред се претставници на домородното индијанско племе Тлингит, бараат уривање на споменикот на Баранов, повикувајќи се на угнетувањето за време на колонизацијата на Аљаска, чија територија во 18. и 19 век потпаѓала под Царска Русија.

Баранов ја основал Ситка во 1799 година (градот тогаш се нарекувал Ново-Архангелск) како престолнина на руските колонии во Северна Америка.

-Очекувам градското собрание да донесе решение во јули или август, во транспарентен и позитивен, конструктивен граѓански процес и испочитувани барањата на сите страни, со почит кон нашата историја, изјави Пакстон синоќа.

Статуата предизвикала контраверзи уште од нејзиното поставување во 1989 година. Но, како што укажа директорот на Историски музеј на Ситка, „историјата не може да се избрише, настаните се случиле. Најважно за нас е да известиме што точно се случило, и да учиме од историјата“.

Градот е лоциран на островот Баранов, именуван во чест на гувернерот на ентитетот што тогаш се нарекувал Руска Америка.

Рускиот општински совет, оранизација на руската дијаспора во САД, вчера започна онлајн петиција за собирање потписи против уривање на статуата, повикувајќи се на „богатата историја на Аљаска“ и дека чекорот би бил „голем удар на руското американско наследство и меѓуетничките ангажмани“.

За можното уривање на споменикот на Баранов на Аљаска синоќа реагираа и од Кремљ.

Парламентарни избори 2020