вторник, 21. август 2018. Вести денес: 73
home Занимливости

Пронајден хрватскиот полицаец кој со својот гест ги воодушеви сите на пречекот на репрезентацијата, познати сите детали

Пронајден хрватскиот полицаец кој со својот гест ги воодушеви сите на пречекот на репрезентацијата, познати сите детали

Насмевката на хрватскиот полицаец кој беше дел од претходницата на автобусот со хрватските репрезентативци ги преплави социјалните мрежи.

Корисниците на социјалните мрежи се одушевени дека полицаецот целиот пат од најмалку 4 часа не ја тргнал насмевката од лицето, а еден маж од Дубровник му понудил бесплатно седум дневно летување во градот.

-Овој крал вози четири часа од аеродром и не престана да се смее, да се поздравува и да се ракува со народот. споделете ја сликата, да дознаеме како се вика легендата, јас го честам одмор во Дубровник, напиша на социјалните мрежи Михо Будман и собра над 2.000 лајкови.

Хрватските медиуми го најдоа насмеаниот полицаец на мотор, тој е 28 годишниот Денис Рамљак од втората постава на сообраќајната полиција. Се заблагодари за понудата за одмор, но објаснува зошто не може да ја прифати истата.

-Мислам дека не би било во ред со оглед на тоа дека сите колеги одлично ја одработија задачата. Но, она што би сакал е дрес потпишан од репрезентативците и селекторот. Беше прекрасно, голема чест е тоа и се случува можеби само еднаш во животот. Се уште сум под импресии од пречекот на репрезентативците. Беше и напорно, при крај почнаа да ми трнат рацете, но сета болка исчезнува. Моторот има 300 килограми и најтешко е да се вози со брзина од 2 километри на час, вели полицаецот Денис.

Тој додава дека немал многу можност да комуницира со фудбалерите бидејќи бил во претходницата, но ја почувствувал неверојатната атмосфера.