вторник, 2. јуни 2020. Вести денес: 110
Актуелна тема

Од минута во минута за ситуацијата со коронавирусот во Македонија и светот

home Занимливости

Полицијата во БиХ фатила 11 лица додека печеле јагне за време на полициски час

Полицијата во БиХ фатила 11 лица додека печеле јагне за време на полициски час

Полицијата во Босна и Херцеговина прекршочно казнила единаесет лица поради кршење на забраната за движење за време на полициски час, потврдија властите во земјата.

Полициска патрола пронашла група составена од единаесет лица кои печеле јагне на излетничко место кај Србац во средата вечерта.

Меѓу нив имало и лица над 65 години, на кои им е целосно забрането да ги напуштат своите домови, додека другите ја прекршиле забраната за напуштање на своите домови помеѓу 20 и 5 часот наутро.

„На лицата им се издадени прекршочни налози во согласност со одредбите на Законот за јавен ред и мир“, соопшти полицијата.

Полицијата уште еднаш апелира да се почитуваат ограничувањата што се применуваат за време на полицискиот час, предупредувајќи дека тоа е исклучително важно за да се спречи ширење на коронавирусот.

Коронавирус