сабота, 19. октомври 2019. Вести денес: 79
home Занимливости

Kои земји во ЕУ трошат најмногу пари за алкохол?

Kои земји во ЕУ трошат најмногу пари за алкохол?

Жителите на балтичките држави даваат најголем дел од приходите на алкохол во нивните домаќинства во споредба со другите земји на ЕУ.

Според најновото истражување на Еуростат, домаќинствата во Заедницата потрошиле повеќе од 130 милијарди евра за алкохолни пијалоци во 2018 година.

Естонија има најголем удел, каде што 5,2% од приходите одат на алкохол, проследена со Латвија за 4,9% и Литванија со 4%.

По трите балтички држави, се граѓаните на Полска, кои дадоа 3,5% од нивниот приход за алкохол, Чесите – 3,3% и Унгарците – 3%.

Од соседството, Бугарија е рангирана на 15 место меѓу 28-те земји-членки на ЕУ со 1,7 отсто од приходите потрошени на алкохолни пијалаци.

Најтрезвени се Шпанците, Грците и Италијанците, процентот е 0,8-0,9%.

Европа има највисоко ниво на консумација на алкохол во светот и највисока стапка на смртност поврзана со неговата употреба, според Светската здравствена организација.

Иако Естонија е лидер во рангирањето, земјата неодамна доби пофалби од СЗО за промени во законодавството во однос на цената, рекламирањето и начинот на кој се продаваат пијалаците.