сабота, 27. ноември 2021. Вести денес: 0
home Занимливости

Јахта претворена во удобен дом бара нов сопственик

Јахта претворена во удобен дом бара нов сопственик

Јахта претворена во удобен дом бара нов сопственик, а нејзината цена за купување е 100.000 фунти. Оние што сакаат да живеат „на вода“ сега можат да си купат јахта стационирана во Ротерхајт, во југоисточен Лондон.

Направена е во 1990 година, а сегашниот сопственик живее во неа веќе три години. Тој вложил напор да го претвори во убаво место за живеење, а внатрешноста има сѐ што Ви треба.

Горната палуба служи како дневна соба за дружење со гости и за кафе, а долната палуба има кујна. На задната страна на јахтата има тросед, како и маса со стол за работа од дома, а има и брз интернет.

На долната палуба има и голема спална соба, но нема бања, бидејќи сопственикот го искористил просторот за гардеробер. Меѓутоа, во близина има тушеви и тоалети, само неколку метри подалеку.

Јахтата не пловела три години и годишното приземјување чини 5.995 фунти. (МИА)

Коронавирус