сабота, 25. септември 2021. Вести денес: 118
home Технологија

“Снепчет” го бележи најголемиот пораст, сега има 293 милиони корисници

“Снепчет” го бележи најголемиот пораст, сега има 293 милиони корисници

Популарната апликација “Снепчет” го бележи најголемиот раст во периодот од неколку години. Бројката на дневно активни корисници се зголеми на 293 милиони, а тоа пораст од 23% во однос на истиот период минатата година.

Ова всушност е најголемиот пораст во изминатите неколку години, а исто така подобрен е претходниот најголем пораст од 22% забележан пред 4 години. Со ова Снепчет го надмина Твитер, кој во вториот квартал забележа 206 милиони дневно активни корисници.

Вкупниот приход е зголемен за импресивни 116% на 982 милиони долари, што досега е најдобар резултат. Растот е брз дури и во споредба со Твитер и Фејсбук.

Сѐ попопуларна е можноста Спотлајт слична на Тик-Ток, која им плаќа на корисниците за нивните видеа. Бројот на дневно активни корисници на Спотлајт порасна за 49%, а просечната количина на дневна содржина е три пати поголема.

Растот се должи на локдаунот кој е воведен поради коронавирусот, но и подобрената Андроид апликација.

Коронавирус