четврток, 6. август 2020. Вести денес: 170
home Технологија

Автомобилите на БМВ ќе се отвораат и стартуваат со Ајфон.

Епл го претставува новиот iOS 14 во рамките на кој е претсатвена новата технологија, т.н. дигитален клуч.
Автомобилите на БМВ ќе се отвораат и стартуваат со Ајфон.

Оваа корисна алатка им овозможува на сопствениците на iPhone и паметните телефони да го отклучат и да го стартуваат автомобилот преку нив. Таа користи NFC технологија, а досега е познато дека со допирање на екранот на телефонот ќе може да се отклучи одреден модел на автомобил, а истата технологија ќе овозможи моторот да се запали.

Технологијата ќе ја има својата премиера оваа година, на некои модели на BMW. BMW открива дека сопственикот на автомобилот ќе може да даде дозвола за користење на возилото на овој начин на максимум петмина корисници. Исто така, секој корисник, како администратор, ќе може да утврди со колкава моќност на моторот ќе може да располага, а меѓу другото, ќе може да ја ограничи максималната брзина или гласноста на аудио системот.

Ако се прашувате што ќе се случи ако, на пример, iPhone се испразни и исклучи, работите се многу јасни. Дигиталниот клуч ќе продолжи да функционира уште пет часа. BMW информира дека услугата за дигитален клуч ќе им биде дадена на клиентите на нивните автомобили произведени по 1 јули годинава, а ќе се нуди во 45 земји. Системот е компатибилен со новите часовници на iPhone и Apple Watch Series 5.

Соработката меѓу двата гиганти не застанува тука, затоа тие најавуваат непосредно спроведување на функцијата за изнаоѓање на оптимална рута за електрични возила.

Ќе ги користи „Епл мапс“ и ќе го земе предвид опсегот на возилото и изгледот на станицата за полнење. Премиерата на технологијата ќе биде на моделот i4.

Коронавирус