петок, 21. јануари 2022. Вести денес: 60
home Љубов и секс

Нетрпеливи сте и напорни: Пет грешки што ги правите кога се допишувате со некој што ви се допаѓа

Нетрпеливи сте и напорни: Пет грешки што ги правите кога се допишувате со некој што ви се допаѓа

Нема правила, но има работи кои им пречат на сите

Новите технологии овозможија различни форми на комуникација. Ова дури влијаеше на начинот на кој луѓето се запознаваат и флертуваат.

Постојат бројни социјални мрежи и апликации кои се специјално дизајнирани за оние кои бараат партнери.

Нема правила во флертувањето, и во живо и кога е во прашање преписката. Тремата може да не натера да не ја покажеме најдобрата слика за себе на другата страна и не треба да очајуваме поради тоа, едноставно се случува.

Меѓутоа, понекогаш правиме работи со намера некого да му се допаднеме, а тие даваат спротивен ефект.

Како што веќе рековме, нема правила, но има работи што им пречат на повеќето луѓе. Некои постапки можат трајно да ги „убијат“ пеперутките во стомакот на другата страна и тие треба да се избегнуваат.

Можеби мислевте дека се во ваша корист, но не сте во право. Затоа, преиспитајте го начинот на кој се допишувате со некого.

Ги преминувате границите

Во денешно време сите брзаат, а заведувањето е процес кој трае. Многу ретко се случува некој да се заљуби на прв поглед, а тоа најчесто се случува за време на состанок во живо, а не за време на допишување.

Преписката треба да има одредена градација. Почетокот треба да биде пријателски и необврзувачки. Во ред е да испраќате комплимент од време на време, но прашањата за заработката, бившите и сексот во никој случај не се соодветни за почеток и честопати може да испратат погрешна слика за вас. Особено ако барате сериозна врска.

Исто така, ако забележите дека личноста не сака да зборува за некои работи, како што се семејството, работата или поранешните љубови, немојте да ја притискате.

Многу важно правило е да не испраќате порака по порака. Почекајте да одговори на една порака или прашање, а потоа прашајте го следното.

Зборувате здодевни работи

Не пишувајте само за да видите што прави, особено ако немате ништо посебно да кажете.

Вистина е дека личноста која штотуку ја запознавте не ја интересира како ви поминал работниот ден, па затоа нема потреба да ја контактирате со приказна за тоа колку сте уморни.

Приказната за секојдневието е резервирана за малку подоцна, а во почетокот треба да чекате другата страна да ви постави прашање за нешто. Така ќе знаете дека е заинтересирана.

Создавате непријатни ситуации

Се обидовте да бидете смешни, но само создадовте непријатна ситуација? Тоа се случува често.

Прво испитајте ја смислата за хумор на другата страна, пред да почнете да испраќате шеги или да се шегувате на сметка на другата страна.

Исто така, не поставувајте непријатни прашања и, повторно, не нарушувајте ја приватноста кога ќе забележите дека личноста не сака да зборува за тоа.

Тестирате

Никогаш не испраќајте порака со одредена содржина, само за да видите како ќе реагира другата личност. Ова е апсолутно погрешно и може да доведе до целосен колапс.

Ова исто така може да создаде непријатна ситуација.

Ги слушате другите

Секое допишување е приказна за себе, како и секоја личност. Она што на една личност многу и се допаѓа, за друга може да биде сосема страно или глупаво.

Не слушајте ги советите на другите, особено на оние чиј љубовен живот знаете дека не им оди онака како што би сакале вам да оди.

Коронавирус