сабота, 24. август 2019. Вести денес: 60
home Хороскоп

Што треба да направат хороскопските знаци за да си го подобрат животот?

Што треба да направат хороскопските знаци за да си го подобрат животот?

Секој хороскопски знак има свои силни и слаби страни. Силните страни им помагаат, а јаките страни знаат да ги влечат надоле во животот. Сепак има начини како тоа да се промени. Пронајдете го својот знак и дознајте како можете да си го подобрите животот.

Овен

Во животот на Овнот секогаш има премногу стрес. Тие едноставно се опседнати со контрола и сакаат сите работи да бидат под нивна контрола. Мразат кога нешто ќе излезе надвор од нивниот план. А бидејќи тоа често се случува во животот, тие се постојано под стрес.

Ако Овните сакаат да си го подобрат животот, мора да научат да се опуштат и да остават некои работи да се случуваат спонтано. За свое добро, Овните мора да научат дека во животот не може секогаш се да оди по планираното и тоа е сосема океј.

Бик

Биковите се фрустрираат кога напорната работа не им се исплатува, затоа што според нив кога за нешто се трудиш и го правиш како што треба, треба и да излезе како што треба. Тие мразат да ја губат котролата, но тоа речиси секогаш им се случува кога станува збор за љубовта. Тие знаат дека треба и може подобро, но сепак се случува премногу да ги толерираат тие што ги сакаат.

Тие многу тешко продолжуваат понатаму со животот, во било која насока. Тие мразат промени и им треба време додека се адаптираат на новиот живот.

Биковите треба да научат дека си ја држат сопствената среќа во задолжништво со секој момент на одлагање и одбивање да направат промен. Не смеете да држите до моментот кога ќе пукнете.

Преземете нешто СЕГА и ВЕДНАШ.

Близнаци

Тие немаат многу трпение. Тие се најдобри кога прават нешто посебно или кога тие се оние коишто ги даваат наредбите. Често им се јавува желба да имаат повеќе од тоа што го имаат и иако животот им се чини сосема среден, тие сепак имаат желба да добијат повеќе, да имаат повеќе и нивното око и срце ретко се заситува. И затоа често се лажат себеси.

Ако сакаат да имаат подобар живот, тие треба да почнат пред се да бидат искрени со себе. И најважно од се, да се обидат навреме да ги детектираат проблемите и да не им се истураат на другите луѓе кога се незадоволни од самите себе.

Рак

Кога им оди добро, Раковите сјаат од среќа. Кога не им оди толку добро, тие се повлекуваат во себе. Многу често луѓето не знаат на што се со Раковите. Тие знаат дека се забавни, но знаат и дека можат да бидат многу затворени. Раковите треба да почнат да учат да споделуваат.

Понекогаш молчат кога треба да зборат, се прават дека не слушаат. Тие по секоја цена ќе избегнат конфронтација, иако емоциите често ги надвладуваат.

Раковите треба да се запрашаат дали се навистина среќни и да видат што не чини и како да го поправат тоа. И воедно треба да си прават внатрешно преиспитување за работите за кои не се задоволни, бидејќи иако не кажуваат со зборови, не знаат да ги кријат чувствата.

Лав

Понекогаш, Лавовите се лажат само себе. Понекогаш среќата ја жртвуваат за работите што мислат дека ги сакаат. Егото им е големо, па изгледа дека никогаш не им доволно од љубов и внимание. Работат напорно, но колку навистина работат за себе, а колку за да ги импресионираат другите?

Бирајте ги вашите проекти внимателно. Ако е заради тоа што го сакате, супер. Ако е за да добиете реакција од други, дигнете кочница, затоа што знаете дека тоа може да ви се одбие од глава.

Девица

Девиците се перфекционисти кои внимаваат на сите детали. Тие се лојални и брзо ги забележуваат грешките и секогаш ја кажуваат вистината.

Но, мора да научат подобро да ги искажуваат своите чувства. Тие добро реагираат на наредби и услуги. Попрво би ја покажале својата посветеност отколку да ја кажат со зборови. Исто така мораат да ја научат вредноста на простувањето и продолжувањето со животот. Тие знаат да се закачат за лоши спомени и да влегуваат во лоши периоди и за да видат поголем успех, треба да се научат да ги пуштаат работите што ги држат надолу.

Вага

Нив им треба многу време додека сфатат што сакаат. Многу се неодлучни. Понекогаш сакаат толку многу работи, но не знаат дали нешто сакаат доволно конкретно. Цел живот се борат за баланс.

Постојано се борат за хармонија и често се борат со сопствената неодлучност. Најчест одговор што го даваат е „можеби“.

Мораат да научат да бидат поцврсти, да не се плашат да викнат, така конечно и ќе дознаат што сакаат.

Скорпија

Скорпиите често бегаат кога чувствуваат страв или несигурност. Затоа полесно им е да се справуваат со туѓите животи отколку со своите. Знаат да се свиткаат во оклоп и да не дозволат ниту едно чувство да излезе од нив.

Но, она што мораат да го запомнат е дека мора да си дозволат себеси да чувствуваат и мораат некогаш да ги пуштат тие чувства да излезат. Не може вечно да бегаат од вистината. Што и да е тоа од кое бегаат, евентуално ќе ги пронајде и ќе ги удри посилно отколку што би било тоа случај кога не ги бегале.

Стрелец

Тие не можат да живеат без авантури и за нив животот без возбуда и слобода нема никаква смисла.  Обожаваат денови во кои има организирани активности, но во кои нема некое особено планирање. Жедни се за љубов, но често ја бараат љубовта на погрешни места.

Затоа мораат да бидат внимателни и да пазат кому ја даваат својата енергија. Иако изгледаат нескротливо, тие се големи романтичари во душа и се многу меки, па лесно е да бидат скршени. Затоа мора да се научат да не даваат премногу на погрешните луѓе.

Јарец

Тие навистина многу можат да ги толерираат тие што ги сакаат, но затоа надоместуваат со недостатокот од трпение и високите побарувања од оние коишто не им се блиски. Имаат огромни очекувања од себеси и затоа им е многу тешко да се опуштат.

Мора да научат дека треба да се борат самите за себе и да бидат јасни и гласни за тоа што го сакаат. Вие сте вистински шеф во толку многу аспекти, а сепак им дозволувате на некои луѓе да ви се качуваат на глава. Од друга страна, мора малку и да олабавите со строгата љубов. Луѓето во вашиот живот сакаат да бидете среќни и топли, дозволете си го тоа самите на себе.

Водолија

Водолиите се уникатни во толку многу аспекти, непостојани, контрадикторни и ексцентрични. Сепак, кога ќе се посветат на нешто, се посветуваат до крај и навистина се приврзуваат кога сметаат дека тоа треба да се случи. И доколку им се допаѓа работата на којашто се, ќе бидат максимално посветени и фокусирани.

Но, тие се и големи практичари и не смеат да дозволат практичноста да им се меша со емоциите. Само затоа што нешто навистина ви треба, не значи и дека навистина го сакате.

Риби

Тие се сонувачи на кои им е тешко да излезат од сопствениот свет и да се соочат со вистинскиот свет, вистинските луѓе и вистинскиот живот. Тие се во постојана потрага по сродната душа, по љубовта и по вистинската личност, што често забораваат на се останато околу нив.

Не ја сакаат многу драмата, но драмата ги следи нив и не секогаш знаат да се справат со неа. Понекогаш си ја саботираат сопствената среќа без да бидат свесни за тоа. Внимавајте на вашите импулси, бидејќи често импулсите доаѓаат од јазикот. Вие не сакате да ги повредите другите, па затоа внимавајте што зборувате кога не ви е денот. Рибите мора да престанат да живееат за тоа што ќе кажат другите.