среда, 14. ноември 2018. Вести денес: 75
home Колумни

ПЛАНОТ “Б”

ПЛАНОТ “Б”

Го живееме најмрачниот период од нашите животи. Период на најголемото предавство во Македонија. Период на уцени, закани, притисоци, поткупи, рекет, измами…

Никој од нас не е поштеден, ниту обичниот работник, ниту земјодлецот, бизнисмените, политичарите, па ниту пратениците. Дури и децата ни се засегнати.

Во период сме, во кој предавство на Заев, Димитров, Османи и Шеќеринска, ни се нуди како единствена можност; разграбувањето и пљачкосувањето на државата од страна на Вице, Анѓушев, Филипче, ДУИ(нг бизнис) и редица други ликови, ни се прикажуваат како економски напредок и живот за сите; пуштањето на слобода на озлогласени криминалци и групата на корумпирана полиција околу Спасовски, ни го сервираат како демократија; ослободувањето од кривична одговорност на актуелни функционери фатени на дело, но и покренување на процеси без никакви докази против опозицијата, ни се прикажува како владеење на правото; набавката на лубриканти за 1,5 милиони евра за поттикнување на хомососексулноста, на Власта и е поголем приоритет од операции на деца со сериозни болести.

Во период сме на искривени вредности и извитоперени умови, кои се обидуваат да не обезличат, да не однародат, да не уништат. Разно разни Љубчовци, Стојанчовци, Љубевци, Владовци и какви упте не експерти, не убедуваат дека самоубиството е единствено решение.
А во суштина сé што прават, го прават за спас на сопствените кариери.
Оној кој не доведе во безизлезноста, Премиерот Заев, сега прашува: “-Кажете како понатаму”.

Еве ви план Б:
Прекинете ги сите злодела кои ги правите, веднаш;
Повлечете ги членовите од заедничката комисија која ја формиравте со хеленската Република, која треба да докаже дека ние Македонците не постоиме;
Известете ја првата договорна страна дека капитулантската спогодба е неодржлива, дека народот на Македонија не ја одобрува;
Собранието нека распиша избори согласно Изборниот Закон веднаш;
Во меѓувреме, ставете во вашиот памфлет или програма дека повторно имате намера да извршите предавство на Македонија, ако дојдете на власт;
Изборите мораат да бидат исклучително демократски, фер и без изборни нерегуларности какви што направивте на референдумот и претходно на локалните избори;
Изборите мора да бидат набљудувани и од ОБСЕ, но и од поголем број објективни надворешни набљудувачи, кои ќе бидат гарант дека нема да силувате повторно;
Победникот на изборите да формира Влада, без никакви надворешни влијанија, со коалициски партнер кој самиот победник ќе го одбере.
Ова е првиот дел од планот “Б”.

Еве го и вориот дел од овој план:
ВМРО-ДПМНЕ, која ќе победи на овие избори, од истиот момент кога ќе ја формира новата Влада, ќе се посвети целосно на најбрзо исполнување на следните работи:
– Економски раст и стабилност, со отварање на нови работни места и покачување на платите во сите сектори, до ниво на просечните плати во ЕУ;
– Да го сопреме иселувањето на македонскиот народ и да создадеме услови да се вратат оние кои се отселиле;
– Реформи во правосудниот систем и владеење на правото, со апострофирање на моментот дека – Никој не е над законот. Ниту Премиер, ниту министер, судија или обвинител;
– Формирање на надпартиско и неполитичко Јавно обвинителство, кое ќе ги испита сите индиции за криминални активности и прекршувања на законите и на претходната и на сегашната власт и тоа не само извршната, туку и на судската (и на судии и на обвинители од редовното и од специјалното јавно обвинителство), но и на законодавната власт. Обвинител кој ќе покренува судски постапки, а не политички процеси;
– Постигнување на национален консензус за сите најважни прашања за државата, кој ќе го потпишаат сите политички чинители;
– Решавање на спорот за името таму каде што му е местото, во Организацијата на Обединетите Нации, со барање за почитување на сите начела и прописи на оваа организација, спогодбите кои до сега се ратификувани и пресудата на Меѓународниот суд на правдата, при изнаоѓање на решение за наметнатиот спор;
– Итно превземање за решавање на сите обврски кои ги има Република Македонија, надвор од спорот за името, за непречен влез во НАТО и Европската Унија.

Едноставно е, ако се сака. Затоа, престанете веднаш со уцените и со заканите кон пратениците на ВМРО-ДПМНЕ и коалицијата и ајде на избори.

И не заборавајте – кармата е како ластик, колку повеќе го тегнеш, толку посилно ќе те плесне во фаца.