Тренерот Владо Недановски ќе ги повика ракометарите на прозивка на осми јануари 2024 година. На првиот тренинг се очекува потврдување на ростерот од есенскиот дел и доведувањето на десниот бек од Тунис, Мохамед Тавфик Бакар. Тој доаѓа како замена за Виктор Алонсо, кој се врати во Косово..
Започнаа и преговорите со Милан Лазаревски и Косуке Јасухира за продолжување на соработката која истекува согласно договорот во јуни 2024 година. Не е исклучена можноста за уште некое засилување, но мала е веројатоста дека тоа би пристигнало во јануари.
Предвидено е комплетните зимски подготовки вардарци да ги минат во Скопје. Првиот натпревар од плеј-офот е во втората недела на февруари 2024 година во Битола против Еурофарм Пелистер.