Свет Хемингс никогаш претходно не управувал со „Спитфајер“

Пилот од Втората светска војна на 102 години полета со „Спитфајер“

На 102-годишна возраст, поранешниот пилот на британското Кралско воздухопловство, Џек Хемингс првпат леташе со историскиот авион „Спитфајер“ од Втората светска војна.

Пилот од Втората светска војна на 102 години полета со „Спитфајер“

Хемингс, ескадрилен предводник на британските сили за време на Војната, колку што е познато, е најстариот пилот кој управувал со тој модел на авион. Пилотот Бери Хјуз, кој беше со Хемингс за време на вчерашниот лет, рече дека неговиот поискусен колега има природна дарба.

– Не му требаа никакви инструкции, тој само го презеде леталото, направи неколку вртења и основни маневри и си ја заврши работата. Мислам дека навистина уживаше во секој миг на летот, изјави Хјуз.


Воениот ветеран никогаш претходно не управувал со „Спитфајер“, но летал со други авиони. Тој истакна дека е „апсолутно волшебно“ да се биде зад воланот, иако летот бил „нерамен“ – со многу непредвидени случувања.

– Искрено, сѐ тоа се чувствуваше како малку „’рѓосано“, што не е изненадувачко – и јас сум „рѓосан“, се пошегува Хемингс.

Неговиот 20-минутен лет во јужна Англија имаше за цел да собере пари за добротворното друштво што го основал пред 80 години. Од Втората светска војна, хуманитарната „Мисија на здружената авијација – МАФ“ (Mission Aviation Fellowship) со авиони носи помош, лекови и други намирници во земјите каде што е потребна. Хемингс и на својот 100-ти роденден изведуваше аеро-акробации со што собра над 40.000 фунти за својата добротворна организација.

To top