Кошарка

Битола ќе биде домаќин на завршницата во кошаркарскиот Куп на Македонија

Битола ќе биде домаќин на завршницата во кошаркарскиот Куп на Македонија

Завршниот турнир во кошаркарскиот Куп на Македонија наречен „Благоја Георгиевски – Буштур“ годинава ќе се одржи во Битола. За трофејот ќе се борат најдобрите осум екипи на табелата во Првата лига по првиот круг односно по 11-те одиграни кола.

Турнирот ќе го организаира кошаркарскиот клуб Пелистер и ќе се одржи од 15-ти до 17-ти февруари во салата „Боро Чурлевски“ во Битола. Градот на конзулите по втор пат во историјата ќе биде домаќин на Купот, а првиот пат беше уште во 2007 година.

Во четвртфиналето ќе се соочат МЗТ против Гостивар, домаќинот Пелистер за ривал го има Феникс, потоа Еуро Никел ќе игра со Чаир, а Работнички го чека средба со ТФТ.

Актуелен бранител на трофејот е тимот на МЗТ Скопје, кој воедно е и најуспешниот тим во ова натпреварување со 11 трофеи.

Македонската кошаркарска федерација ќе биде организатор на финалниот турнир во женска конкуренција, а терминот и местото на одигрувањето ќе бидат дополнително објавени.

Поврзани теми

To top