Останати спортови 59.1 милиони долари

Австралија Опен го зголеми наградниот фонд за 13 отсто

Наградниот фонд на Австралија Опен е зголемен за 13 отсто и изнесува 59.1 милиони долари, објавија денеска организаторите на првиот сезонски грен – слем турнир кој почнува на 14 јануари во Мелбурн.

Австралија Опен го зголеми наградниот фонд за 13 отсто

„Го зголемивме наградниот фонд за секое коло на Австралија Опен, со големи зголемувања во квалификациите и воведните рунди во поединечна конкуренција и во двојки. Клучно за продолжување на успехот на Австралија Опен е најдобрите играчи во светот да добијат соодветен надомест, бидејќи знаеме дека тоа на тенисерите им овозможува инвестирање во сопствените кариери и во многу случаи им помага во остварување на успех во текот на целата сезона“, изјави директорот на грен – слем турнирот во Мелбурн, Крег Тилеј.

Настапот во првото коло на тенисерите ќе им донесе награда од 82.000 долари, додека победниците во машка и женска конкуренција ќе инкасираат по 2.1 милиони долари.

Во квалификациите на женскиот турнир ќе настапи и најдобрата македонска тенисерка Лина Ѓорческа.

Изминатата сезона наградниот фонд на Ролан Гарос изнесуваше 54.9 милиони долари, на Вимблдон 56.9, а на Ју Ес Опен 65 милиони долари.

To top