Вести

Во Јапонија 18.000 домаќинства останаа без струја по ударот на тајфунот Талим

Илјадници лица останаа без електрична струја по ударот на тајфунот Талим во Јапонија, при што се забележани удари на ветерот со јачина до 252 километри на час.

 

Властите предупредуваат на можна појава на лизгање на земјиштето и високи бранови.

Компанијата „Окинава електрик пауер“ соопшти дека во градот Мијаку, кој има околу 54.000 жители, повеќе од 18.000 домаќинства останале без електрична енергија.

Јапонската метеоролошка агенција предвидува дека тајфунот ќе го погоди островот Кјушу в недела, а во понеделник, најверојатно, ќе стаса во Токио.