вторник, 13. ноември 2018. Вести денес: 112
home Вести

Русија ќе има поморска база во Сирија уште 49 години

Русија ќе има поморска база во Сирија уште 49 години

Рускиот Парламент денеска гласаше за продолжување на закупот на поморската база во Сирија за уште 49 години, откако рускиот претседател Владимир Путин најави делумно повлекување на руските трупи од земјата.

Државната Дума гласаше за ратификување на договорот со Сирија, поднесен од Путин, со кој Русија ќе ги задржи своите воени бродови во медитеранската база во Тартус уште 49 години.

Тој договор, исто така, и овозможува на Русија да ги задржи таму 11-те бродови истовремено, вклучувајќи ги и нуклеарните бродови.

Русија оперира и во воздухопловната база во крајбрежниот регион на Сирија, кој е упориште на сирискиот претседател Башар ал Асад од почетокот на конфликтот во март 2011 година.

Путин пред извесно време наложи делумно повлекување од Сирија, но рече дека Русија ќе го задржи таму своето воено присуство.