Вести

Протест на шпански полицајци

Илјадници шпански полицајци денеска протестираа на централниот плоштад во Мадрид барајќи повисоки плати и подобри услови за работа.

Членовите на шпанската Национална полиција и Цивилната гарда бараат исти плати како што добиваат нивните колеги во каталонската и баскиската област.

Шпанскиот министер за внатрешни работи Хуан Игнацио Зоидо на нивното барање одговори дека ќе бара изедначување на платите во  полициските сили до 2018 година. Тој рече дека тоа што го бараат припадниците на Националната полиција и цивилната заштита е  праведно, затоа што тие го заслужуваат тоа.