Вести

Принудно слета јужносудански авион, повредени 14 лица

Авион во сопственост на јужносуданската авиокомпанија „Саут суприм ерлајнз“ денеска принудно слета на аеродромот во градот Вау, северозападен Јужен Судан.

avion

Во авионот имало 45 луѓе од кои при принудното слетување повредени се 14.

– Во авионот беа 40 патници и петмина членови на екипажот. Немам други информации, изјави директорот на „Саут суприм ерлајнз“ Габријел Нганг, додавајќи оти авионот полетал од главниот град на Јужен Судан, Џуба.

Неименуван припадник на локалната спасувачка служба изјави дека „никој не загинал, но оти има поголем број повредени лица“.