Вести

Почина претседателката на Нобеловиот комитет

Претседателката на норвешкиот Нобелов комитет, Каци Кулман Фиве почина на 65-годишнa возраст по долго боледување, соопшти денеска органзиацијата.

Кулман, која од 2014 година се лекуваше од рак на дојка, починала вчера. Минатата година нејзината здравствена состојба се влоши поради што таа откажа учество на неколку собири.

Кулман стана членка на Нобеловиот комитет во 2003 година, а претседаваше со него од 2015 година.

Таа беше меѓу членовите кои одлучија Нобеловата награда за мир да му се додели на поранешниот потпретседател на САД, АЛ Гор (2007), на поранешниот американски претседател Барак Обама (2009), на кинескиот дисидент Лиу Сјаобо (2010) и на иранскиот борец за човекови права Ширин Ебади (2003).

Кулман од 1991 до 1994 година беше лидер на норвешката Конзервативна партија, а од 1989 до 1990 година беше министерка за трговија и транспорт.