среда, 25. април 2018. Вести денес: 56
home Вести

Лидерот на Јакуза фатен после 13 години бегство: Живеел повлечено, но го откриле фотографии на интернет

Лидерот на Јакуза фатен после 13 години бегство: Живеел повлечено, но го откриле фотографии на интернет

Тајландската полиција го уапси еден од лидерите на јапонската мафија Јакуза после 13 години бегство со помош на фотографија од неговото тетовирано тело која што се појавила на интернет.

72-годишниот Шигехару Шираи бил приведен во текот на вчерашниот ден во Лопбури, мал град на Тајланд.

„Осомничениот призна дека е лидер на подгрупата Јакуза Кодокаи, но не и дека учествувал во извршувањето на убиството поради кое што се наоѓа под истрага“, изјави портпаролот на тајландската полиција, додавајќи дека таа група е дел од една од најголемите банди на Јакуза – Јамагучи-Гуми.

Јапонските власти озлогласениот мафијаш го бараат поради учество во убиството на неговиот ривал во 2003-та година. Набрзо после убиството, Шираи побегнал од земјата и заминал на Тајланд каде што се криел и се оженил. Тајната за неговото „засолниште“ се чини дека била прилично добро сочувана се додека локален весник не објавил слика на еден слаб човек со голема тетоважа на телото и без врвот од малиот прст.

Фотографијата веднаш станала вирална на интернет и за неколку часа била споделена над 10 илјади пати, по што го привлекла вниманието на јапонската полиција од каде што биле контактирани властите од Бангкок и било побарано од нив да го истражат случајот.

Тој набрзо потоа и официјално бил уапсен поради нелегален престој на Тајланд затоа што немал пасош и виза, па наскоро ќе биде екстрадиран во Јапонија. Според тајландската полиција, тој 13 години живеел повлечен живот и добивал пари два или три пати годишно од еден Јапонец кој го посетувал.

Јакуза бандите кои што функционираат како мафија, со векови се дел од јапонското општество и се проценува дека мафијата брои дури 60 илјади членови. Најголемиот дел од нивниот имот е стекнат илегално преку обложување, проституција, трговија со дрога и сајбер хакирање.