Вести

Еден загинат и 20 повредени во терористичкиот напад во Барселона

Најмалку еден човек загина и 20 се повредени откако минибус влета во група луѓе во центарот на Барселона.

Полицијата во Барселона го оквалификува инцидентот како терористички напад.

Инцидентот се случил во Лас Рамблас, популарно место во реонот на Плаза Каталонија.

Локални медиуми јавуваат дека се слушнале и истрели на пазарот Бокерија во Барселона и оти две вооружени лица се забарикадирани во ресторан на плоштадот во Барселона по инцидентот со минибусот.

Барселона напад мапа 2017

Според шпански медиуми, возачот на минибусот побегнал оставајќи го возилото. Полицијата го блокираше реонот, а на местото на инцидентот има осум амбулантни возила.

Луѓето од тој реон бегаат во паника, јави телевизијата ТВЕ.

Каталонскиот премиер Карлес Пучдемон го прекина годишниот одмор и се враќа во градот.