Регион

Синдикатот на локалните власти во Грција за утре најави штрајк

Синдикатот на вработените во локалните власти во Грција за утре свика штрајк на национално ниво со кој бараат да им се исплатат заостанатите плати.

Во рамките на штрајкот,  вработените во локалните власти нема да работат до 13 часот и 30 минути, до кога и повеќето работат со странки.

Грчката новинска агенција АНА-МПА јави дека членовите на синдикатот утре изутрина ќе се соберат пред Министерството за труд во Атина каде вработените по договор ќе бараат исплата на заостанатите плати.
Некои од работниците тврдат дека не зеле плата два месеци.