Бизнис

Ужас во Хрватска: Пензионер и момче силувале девојка

Полицијата во Истра, Хрватска ги уапсила Д.П.(68) и Т.Д.(19) поради сомнение дека ноќта помеѓу 18. и 19. мај силувале една девојка.

Неименуваната девојка пријавила дека Д.П. и Т.Д. и понудиле да па префрлат од едно кафуле до дома, меѓутоа, со автомобилот отишле во сосема друг правец, а потоа ја силувале.
Иако се спротивставувала и негодувала, напаѓачите ја извлекле од возилото кога пристигнале во еден ресторан, кој според тврдењата на девојката, е во сопственост на Т.Д., син на припадничка на полицијата. Агонијата која ја преживувала наводно траела неколку часа, пренесува Јутарњи.хр.
Освен што не и дозволиле да го напушти ресторанот, девојката и сексуално ја искористиле. Пред зората се „смилувале“, ја ставиле во автомобилот, а потоа ја исфрлиле сред пат пред Умаг.
Кога се нашла на слобода, девојката веднаш повикала полиција, која ја одвела во болница на преглед. Полицајците брзо ги пронашле двајцата напаѓачи. Нив по сослушувањето им е одреден притвор.
Пријателите на Т.Д. се шокирани од тоа што се случило.
– Шокирани сме. Тој не е силувач. Девојките летаат по него. Таа со него се договорила за секс, тврдат пријателите.