Бизнис

Брегзитот ги урна европските берзи

Европските берзи утрово крахираа по објавата на резултатите од референдумот за излез на Велика Британија од ЕУ.

 

Индексите на европските берзи паднаа за 6,5 до 9,5 отсто со што се загубени милијарди долари.

Ваков остар пад на цените на акциите не е забележан уште од 2008 година, од печетокот на глобалната финансиска криза, кога е објавен банкротот на американската банка „Лихмен Брадрс“.

Последните неколку дена берзите растеа бидејќи вложувачите очекуваа дека резултатите на референдумот ќе покажат дека граѓаните сакаат Велика Британија да остане во ЕУ.

Најголем пад на вредноста утрово имаа акциите на банките, кои во просек паднаа за 14 отсто, што би можело да биде најголем дневен пат во историјата.

Акциите на Лојдс, Ројал Банк оф Скотланд и Барклис паднаа за повеќе од 20 проценти.