Металург го напаѓа Нексе

Македонскиот ракометен шампион Металург денеска ги продолжува натпреварите во СЕХА лигата.

Избраниците на тренерот Лино Червар вечер со почеток во19 часот играат против екипата на Нексе од Нашице, моментно петтопласирана на табелата.

На првиот натпревар меѓу овие два тима одигран во Скопје немаше победник и натпреварот заврши 26:26.

Металург се наоѓа на четвртото место на табелата со 27 бодови, но е единствениот тим во лигата без пораз.

На чело на табелата е Загреб со 38 бодови, пред Вардар Про со 35 и Татран Прешов со 28. Металург има четири натпревари помалку одиграно од водечката двојка Загреб и Вардар Про.