Останати спортови

Вилијамс поради повреда и го препушта првото место на Кербер

Американската тенисерка Серена Вилијамс поради повреда го откажа учеството на турнирот во Индијан Велс и со тоа го отстапи првото место на ВТА листата на Германката Анџелик Кербер.

 

Кербер се враќа на лидерската позиција на светската рејтинг листа по два месеци, кога, поради трофејот на Австралија Опен на Вилијамс ја загуби својата позиција.

Американката минатата година играше во финалето на овој турнир и сега нема да може да ги брани поените поради што Кербер ќе ја потисне од првата позиција.

Вилијамс нема д аигра ниту на турнирот во Мајами закажан за крајот на март.

– Не сум во состојба да играм поради проблеми со колената. Ќе се вратам на терените што е можно поскоро, рече Вилијамс.

Таа до 2015 година дури 14 пати го бојкотираше Индијан Велс поради доживеани расистички навреди на овој турнир.