Останати спортови

Тием го совлада Надал во четвртфиналето на мастерсот во Рим

Доминик Тием успеа да се пласира во полуфиналето на Мастерсот во Рим откако во денешниот четвртфинален меч беше подобар од Рафаел Надал со 2-0 во сетови (6:4 и 6:3 во гемови).

 

Ова беше трет меч на овие двајца тенисери последниве 20 дена и Тием ја оствари првата победа. Негов ривал во полуфиналето ќе му биде победникот од дуелот меѓу Новак Ѓоковиќ и Хуан Мартин Дел Потро што се игра вечерва.

Во второто полуфинале ќе играат: Џон Изнер и Александар Зверев. Изнер со 2-1 во сетови (7:6; 2:6 и 7:6) беше подобар од Марин Чилиќ, додека Зверев го совлада Милош Раониќ со 2-0 во сетови (7:6 и 6:1).

Во женскато полуфинале број 1 ќе играат: Симона Халеп и Кики Бертенс. Халеп со 2-0 во сетови (6:2 и 6:4 во гемови) ја победи Анет Контавеит, додека Бертенс беше поуспешна од Дарија Гаврилова со 2-0 (6:3 и 6:3).

Во тек е четвртфиналето Елена Свитолина – Каролина Плишкова, а вечерва играат Венус Вилијамс и Гарбине Мугуруза.