четврток, 21. јуни 2018. Вести денес: 0
home Останати спортови

Неуспешно враќање на Надал

Неуспешно враќање на Надал

Шпанецот Рафаел Надал загуби од 31-от тенисер на АТП ранг листата Ришар Гаске со 4:6 и 5:7, по враќањето на теренот по паузата поради повредата на коленото.

Иако Надал имаше неуспешен настап на егзибицискиот турнир во Кујонг, тој сепак е задоволен неговата состојба.

– Тоа беше добар тест и добар тренинг за мене. Добро сум и тоа е добра вест. Идејата ми е само да продолжам да тренирам во наредните денови, за да бидам подготвен за почетокот на „Австралија опен“, изјави Надал.

Надал нема играно од 13 ноември минатата година кога се повлече од Мастерсот во Лондон поради повреда на коленото.

– Годината беше долга, па затоа почнав со подготовките за новата сезона малку подоцна од вообичаено. Убаво е што почнав да го чувствувам ритамот на играта во натпревар, макар тој да не е официјален, додаде Надал.

Шпанецот претходно ги откажа настапите на турнирите во Абу Даби и во Бризбејн.

Грен слемот Австралија опен почнува на 15 јануари.