Кошарка

ЦСКА Москва и Фенербахче на чекор до „Фајнал фор“

Екипите на ЦСКА Москва на Фенербахче ги дели само една победа до пласман во полуфиналето на кошаркарската Евролига по вторите победи на пресметките со Басконија, односно Панатинаикос.

Во Москва, европскиот шампион ЦСКА ја победи Басконија со 84:82 во меч со драматична завршница. При резултат 82:82 од линијата за слободни фрлања два пати погоди Хајнс за победа на рускиот шампион и водство од 2-0 во серијата прв до три победи. Следниот дуел се игра на теренот на шпанската екипа.

Втора гостинска победа синоќа во Атина забележа Фенербахче за кој настапува македонскиот интернационалец Перо Антиќ кој мечот го заврши со три поени за осум минути поминати на теренот. Турскиот тим во Истанбул ќе има две можности да ја постигне третата победа и да се пласира во полуфиналето.

Вечер играат Олимпијакос – Анадолу Ефес (1-0 во победи) и Реал Мадрид – Дарушафака (1-0).