Кошарка

Прва победа за кадетите, совладана селекцијата на Косово

Македонската кадетска кошаркарска репрезентација (играчи до 16 години) ја постигна првата победа откако денеска ја совлада селекцијата на Косово со 64:61 (12:12; 17:19; 16:18 и 19:12) во натпревар од 2.коло од Европското првенство Б дивизија што се одржува во Софија. Во изедначен натпревар нашите кошаркари ја добија последната четвртина со 19:12 што беше решавачко за победата, иако ривалот во поголемиот дел од дуелот имаше минимална предност.

Двоцифрен број поени во македонската репрезентација постигнаа: Андреј Јакимовски 22, Дамјан Бошковски и Адриан Наумоски по 10. Противникот имаше 51 скок, наспроти 34 на Македонија. За разлика од вчерашниот дуел кога против Грузија нашите кадети имаа 28 изгубени топки, денеска против Косово таа бројка беше 9, за разлика од противникот кој имаше 25.

Во рамките на групата Д денеска се играат и дуелите: Луксембург – Португалија и Грузија – Велика Британија.

Утре во дуел од 3.коло Македонија ќе игра против селекцијата на Велика Британија.