Фудбал

Малиот ангел со заразна насмевка испратен во вечниот дом: Погребан малиот борец Бредли (ФОТО+ВИДЕО)

Малечкиот навивач на Сандерленд Бредли Лаури (6) е погребан денекса во местото Блекхол Колири на северот од Англија.

 

Десетина илјади луѓе дојдоа да го испратат детето кое ја загуби битката со опасната болест.

Повеќето кон вечното почивалиште го испрати во дресови на Сандерленд со бројот 6 (колку што имаше години) и името Бредли на грбот. Многумина дојдоа и во костими на суперјунаците на кои детето им се восхитувало – Бетмен, Супермен, Капетан Америка…

На Бредли му беше дијагностициран неуробластом, тумор кој ги напаѓа децата, уште кога имал година ипол. Првата битка со тешката болест ја доби, но не и другата.

Многу сегашни и поранешни играчи и тренери на Сандерленд дојдоа за последен пат да се поздрават со Бредли, а оваа трагедија посебно му падна тешко на англискиот фудбалски репрезентативец Џермејн Дефо, моментално играч на Борнмаут, кој изгради многу силна врска со Бредли.