Познати

Tом Круз обвинет за смрт на две лица

Додека филмот “American Made” во којшто насловната улога ја толкува токму Том Круз, се подготвува за неколку дена да влезе во кино салите ширум светот, глобалната јавност е окупирана со несреќата којашто се случила токму на неговото снимање во 2015-та година.

На снимањето на овој филм загинале два пилота, поради што нивните семејства сега го тужат режисерот Даг Лиман (52) како и главниот актер, Том Круз (55).

Во обвинението се наведува дека режисерот и актерот сакале да снимаат исклучително опасни зафати направени во воздух, како и тоа дека сите тие работи биле правени при огромни брзини.

Неколку недели пред несреќата во којашто го загубил својот живот, пилотот Пурвин ги повикал продуцентите и им објаснил дека повеќе не може да издржи во такви услови, како и тоа дека тоа е најопасниот проект на којшто некогаш воопшто и работел.

– Прашање е на време кога ќе се случи некаква несреќа, напишал Пурвин пред својата смрт.

Во несреќата, којашто се случила во Колумбија на 11-ти септември во 2015-та година, освен Пурвин, загинал и пилотот Карлос Берл.