недела, 23. септември 2018. Вести денес: 67
home Скопје

Шилегов: Овој Бадник да не се палат огнови во Скопје

Граѓаните на Скопје да се воздржат од палењето отворени огнови за време на Бадник, да не палат огнови на отворено, за да ја заштитиме животната средина.
Шилегов: Овој Бадник да не се палат огнови во Скопје

Градоначалникот на Град Скопје, Петре Шилегов, денеска присуствуваше на традиционалното собирање бадникови гранчиња, кое се одржа во месноста Говрлевска Краста, на јужните падини на Водно.

Оваа прослава традиционално се одржува по 26-ти пат и е во организација на Здружението за традиционална прослава на Бадник.

На собирот градоначалникот ги повика граѓаните на Скопје да се воздржат од палењето отворени огнови за време на Бадник, апел којшто беше усогласен по петочниот работен состанок со градоначалниците на сите скопски општини.

Тие донесоа заедничка одлука за забрана за доделување дрва од општините за таа намена, со цел да се спречи дополнително загадување на воздухот во главниот град.

– Апелирам скопјани да не палат огнови на отворено, за да ја заштитиме животната средина. Да се грижиме за иднината и здравјето на децата, истакна тој.