Скопје

Општина Кисела Вода со акција за собирање на кабаст отпад

Акција за собирање на кабаст отпад ќе се одвива во општина Кисела Вода во петок и сабота (28 и 29.07.2017година).

Општина Кисела Вода, преку Секторот за Месна самоуправа и социјална заштита во соработка со ЈП Комунална хигиена Скопје при Град Скопје, ќе ги спроведе активностите по сите урбани и месни заедници на територија на општината.

Собирањето на кабастиот отпад најпрво, во петок, ќе ги опфати урбаните заедници Пржино, Црниче, Бирарија, Цветан Димов,11 Октомври-бараки, 11 Октомври-згради, Расадник и Кисела Вода.

Акцијата ќе биде спроведена во сабота во населба Драчево, село Драчево, Подстаница, Пинтија и Усје.

Општина Кисела Вода апелира до сите свои жители кабастиот отпад да го изложат во период од 07:00 до 09:30 часот на гореспоменатите датуми, пред своите домови, колективните згради на пошироките улици, на начин што кабастиот отпад  нема да го попречува движењето на пешаците и возилата, како и местото да биде пристапно за возилата на ЈПКХ-Скопје.