ОУ „Гоце Делчев“ доби нова лабораторија

Вчера, во ОУ „Гоце Делчев”, свечено беше промовирана новата лабораторија по техничко образование.

УСАИД и општина Центар преку своите донации помогнаа во опремувањето на лабораторијата. Проектот „Кабинет по техничко образование на 21 век” веќе од следната недела ќе се иплементира во наставата во училиштето.

На отварањето беа присутни претставници од општина Центар, УСАИД, Народна техника, Бирото за развој на образование на Република Македонија, родители и ученици. На овој настан, учениците пред присутните имаа свое излагање преку креативни презентации од повеќе области како: роботика, автоматика, електроника, соларна енергија, и 3Д анимација. Со тоа покажаа дека е зголемен интересот за иновации за техниката и техничкото образование кај младата популација.

Со прифаќање на ваквите новини во техничкото образование се напуштија старите методи и стереотипи.

Ова е трета отворена лабораторија во основните училишта на територија на општина Центар, а четириесетта во Република Македонија. Учениците со голема љубов и ентузијазам изминатите два месеци работеа за реализирање на проектот со цел да се осовремени наставата во нивното училиште.

Тие како идни и потенцијални инженери упатија порака дека примерот за нивниот ентузијазам треба да се следи и распространува во сите облици на македонската култура и образование. По излагањето на презентациите, преку панел дискусија присутните гости ги разменија своите искуства и мислења.