Потврда за успешно финансиско менаџирање во Гостивар

Базирајќи се на финансиските параметри од 2009 година, од кога на чело на општината е прф. д-р Руфи Османи, општина Гостивар заедно со уште девет други општини од Македонија, е предизборна во првата фаза на Проектот за локална самоуправа (МЛГА) на УСАИД за одредување на едногодишен кредитен рејтинг на општината.

Ова му го соопшти на градоначалникот Руфи Османи и на претставниците од ЛЕР, лидерот на тимот за планирање, капитално буџетирање и кредитирање на општините, Ѓорѓи Јосифов. На информативната средба која се оствари во просториите на Општина Гостивар, Јосифов информираше дека по анализите на буџетската структура кои ќе се извршат во втората фаза, ќе се селектираат 4 општини за кои проектот МЛГА ќе кофинансира за одредување на кредитен рејтинг, кој ќе го спроведе меѓународната компанија MOODY’S.

Општините кои ќе бидат избрани, ќе имаат можност да се претстават на меѓународниот финансиски пазар и на главните меѓународни страници со одреден финансиски рејтинг, базирајќи се на реални индикатори.

Тоа дава можност и за зголемување на странските капитални инвестиции, бидејќи кредитниот рејтинг ја потврдува финансиската моќ и успешното менаџирање со општинските средства.

Преку проектот МЛГА, до сега само на три најуспешни општини во минатото во Македонија, им било одреден финансиски рејтинг. Пред-селекцијата на општина Гостивар во првата фаза на овој проект, уште еднаш ја потврдува успешноста во финансиското менаџирање на сегашното раководство на општината.